3º TRIMESTRE

Bos días nen@s! Como foron estes días de desconexión? Esperamos que os levásedes ben e teñades as pilas super cargadas! 

O primeiro, queremos felicitaros a todos e todas porque estades aguantando coma uns verdadeiros campións e campionas en casa, estamos moi orgullosas do esforzo que estades facendo e da valentía que amosades, seguide así que pasiño a pasiño estamos vencendo 👏💪

De momento comezamos este 3º trimestre con actividades de repaso, a espera de novas, que nos virán moi ben a todos e todas xa que inda temos moitos contidos que interiorizar. O importante é ter unha base sólida para poder seguir avanzando.

Lembrade volver a establecer unha rutina semanal para facer as tarefas, hora de merenda, de exercicio físico, manualidades... temos que estar ben organizados! E xa sabedes que calquera dúbida podedes deixar un comentario nas tarefas.

Esperamos que en casa estedes todos ben, que temos moitísimas gañas de veros (xa queda un poquiño menos) mandámosvos moitos ánimos a toda a familia e unha aperta moi grande. A profe Bea, Fina e Leti 💗